रूस आर्थिक नाकाबन्दीको सही सामना गर्न सफल: रूसी प्रधानमन्त्री

एजेन्सी । रूसका प्रधानमन्त्री मिखाइल मिशुस्टिनले मित्रराष्ट्रहरुसँगको व्यापारमा उल्लेख्य वृद्धि भएको उल्लेख गर्दै रूसले पश्चिमा मुलुकहरुको आर्थिक नाकाबन्दीबाट सकुशल अघि बढ्न सफल भएको बताएका छन् ।

“मित्र राष्ट्रहरूसँगको व्यापार कारोबार बढेको मात्र छैन, तर अहिले यो चार वर्षअघि सम्पूर्ण विश्वसँग रूसको व्यापारको मात्रासँग तुलना योग्य छ,” मिशुस्टिनले रूसी राज्य डुमालाई सम्बोधन गर्दै भने ।

“चीन, भारत, टर्की, बेलारुस, कजाकिस्तान, संयुक्त अरब इमिरेट्स, अफ्रिका र ल्याटिन अमेरिकासँगको व्यापारमा भएको वृद्धिले युरोपेली संघसँगको व्यापार कारोबारमा आएको कमीलाई धेरै हदसम्म क्षतिपूर्ति गरेको छ,” मिशुस्टिनले भने ।

मित्रराष्ट्रका होनहार साझेदारहरूसँग व्यापार सम्बन्ध लाई बढावा दिनु रूसको उच्च प्राथमिकतामध्ये एक रहने बताउँदै उनले रूसको ७७ प्रतिशत वैदेशिक व्यापार मित्र राष्ट्रहरूसँग भएको तथ्याङ्क पेश गरे ।