उर्मिला अर्यालले दिइन् राष्ट्रियसभा उपाध्यक्षबाट राजीनामा

काठमाडौं । राष्ट्रियसभाकी उपाध्यक्ष उर्मिला अर्यालले पदबाट राजीनामा दिएकी छन् । राष्ट्रियसभाका अध्यक्ष नारायण दाहालसमक्ष उनले केही बेरअघि राजीनामा पत्र बुझाएकी हुन् ।

उनी राष्ट्रियसभा उपाध्यक्षमा गत माघ २३ गते निर्विरोधि निर्वाचित भएकी थिइन् । सत्ता गठबन्धनबाट अध्यक्षमा माओवादीको तर्फबाट नारायण दाहाल निर्वाचित भएपछि उनले राजीनामा बुझाएकी हुन् । अर्याल पनि माओवादीबाटै उपाध्यक्षमा निर्वाचित भएकी थिइन् ।

यसअघि गठबन्धनमा उपाध्यक्ष नेकपा एमालेलाई दिने सहमति भएको थियो । तर, पछि नेकपा एस मिसिएसँगै नयाँ सहमतिमा त्यो बुँदा हटाइएको छ । तर, गठबन्धन दलबीच उपाध्यक्ष कसको भागमा राख्ने भन्ने औपचारिक सहमति भइसकेको छैन ।