केन्द्रको निर्णय अवज्ञा गर्दै भक्तपुर नगरपालिकाद्वारा विद्यालयमा दुई दिन बिदा नगर्न निर्देशन

नेपाली जनता
nepalijanta73@gmail.com

काठमाडौं । भक्तपुर नगरपालिकाले शैक्षिक संस्थाहरुमा पनि शनिबार र आइतबार बिदा दिने सरकारको निर्णय अवज्ञा गरेको छ । सरकारको निर्णय तत्काल लागू नगर्न नगरपालिकाले सबै सबै सामुदायिक र निजी विद्यालयलाई पत्र पठाएको छ ।

शिक्षा मन्त्रालयले हप्तामा दुई दिन सार्वजनिक विदा दिने सरकारको निर्णय देशभरका सबै शैक्षिक संस्थामा कार्यान्वयन गर्ने केही दिनअघि निर्णय गरेको थियो । त्यसविपरित नगरपालिकाले विद्यालयहरुलाई पत्र पठाएको हो ।

आज नगरपालिकाले एक सूचना जारी गर्दै अर्को सूचना जारी नभएसम्मको लागि साबिकबमोजिम नै विद्यालय सञ्चालन गर्न आग्रह गरेको छ ।

विज्ञप्तिमा भनिएको छ, ‘गृह मन्त्रालयको सूचनाअनुसार सम्बत् २०७९ जेठ १ गतेदेखि लागू हुने गरी हप्तामा दुई दिन प्रत्येक शनिबार र आइतबार बिदा दिने निर्णय भएतापनि भक्तपुर नगरपालिकाबाट अर्को सूचना जारी नभएसम्मको लागि साबिकबमोजिम नै विद्यालय सञ्चालन गर्न र गराउनुहुन अनुरोध छ ।’

यो पनि पढ्नुहोस  फर्जी मतको विवादपछि एमाले दैलेखको मतगणना स्थगित
१,जेष्ठ.२०७९,आईतवार १३:२२ मा प्रकाशित

प्रतिक्रिया दिनुहोस्

%d bloggers like this: