राष्ट्रियसभाका उपाध्यक्ष शशिकला दाहाललाई कोरोना संक्रमण पुष्टि

काठमाडौं । राष्ट्रियसभाका उपाध्यक्ष शशिकला दाहाललाई कोरोना संक्रमण पुष्टि भएको छ।

उपाध्यक्षको सचिवालयका अनुसार दाहाललाई बुधबार निजामती कर्मचारी अस्पताल नयाँबानेश्वरमा परीक्षण गराउँदा संक्रमण पुष्टि भएको हो ।

उनको स्वास्थ्य अवस्था भने सामान्य रहेको सचिवालयले जनाएको छ ।

पछिल्लो समय माओवादी केन्द्रका अधिकांश नेतालाई कोरोना संक्रमण भइरहेको छ । पार्टीको आठौं महाधिवेशनलगत्तै नेतालाई कोरोना संक्रमण भएको हो ।

२०७४ साल चैतमा राष्ट्रियसभा उपाध्यक्ष बनेकी दाहालको कार्याकाल फागुन २० गते सकिँदैछ । दाहाल नेकपा (माओवादी केन्द्र) बाट राष्ट्रियसभा सदस्य बनेकी हुन् ।

राष्ट्रियसभाका सचिव राजेन्द्र फुयाललाई पनि कोरोना संक्रमण भएको संसद सचिवालयले जनाएको छ ।

यो पनि पढ्नुहोस  आवधिक निर्वाचनका कार्यतालिका बनाउन सुझाव
२९,पुष.२०७८,बिहीबार १३:४६ मा प्रकाशित

प्रतिक्रिया दिनुहोस्

%d bloggers like this: