वीरगञ्ज महानगरपालिकामा मतगणनाका लागि सर्वदलीय बैठक केहीबेरमा बस्ने

Anjita Karki
anjita.karki@nepalijanta.com

वीरगञ्ज । वीरगञ्ज महानगरपालिकामा मतगणनाका लागि सर्वदलीय बैठक केहीबेरमा बस्ने भएको छ । सर्वदलीय बैठकका लागि राजनीतिक दलका प्रतिनिधिहरु आउने क्रम जारी रहेको सहायक निर्वाचन अधिकृत जयप्रसाद काफ्लेले जानकारी दिए ।

‘सर्वदलीय बैठक बोलाएका छौं, दलका प्रतिनीधिहरु आउँदै हुनुहुन्छ,’ उनले भने, ‘बैठकपछि मतगणना सुरु गर्छौ ।’

वीरगञ्ज महानगरपालिकामा ९३ हजार ७ सयि ८२ मत खसेको छ । मुख्य निर्वाचन अधिकृतको कार्यालयले ३२ वटै वडामा गरी ९३ हजार ७ सय ८२ मत खसेको जानकारी दिएको हो । यो जम्मा मतदाताको ७५.२४ प्रतिशत हो ।

पर्सा जिल्लामै सबैभन्दा बढी मतदाता वीरगञ्ज महानगरपालिकामा छ । महानगरमा १ लाख २४ हजार ६ सय ४७ रहेका थिए । महानगरमा ५५ वटा मतदान स्थलमा १ सय ४३ वटा मतदान केन्द्र कायम गरिएको थियो ।

यो पनि पढ्नुहोस  एमालेले निष्कासन गरेका १४ सांसदको मुद्दा ७ महिनापछि पूर्ण सुनुवाइ हुँदै, आज आउला त आदेश ?
३१,बैशाख.२०७९,शनिबार ०९:५१ मा प्रकाशित

प्रतिक्रिया दिनुहोस्

%d bloggers like this: