लोकन्थलीमा ट्याटु खोप्ने लाइनमा बसेका युवकको मृत्यु

काठमाडौं । भक्तपुरको लोकन्थलीमा ट्याटु खोप्न लाइनमा बसेका एक युवकको मृत्यु भएको छ ।

मृत्यु हुनेमा भक्तपुरको मध्यपुर थिमि नगरपालिका लोकन्थली घर भई हाल कोटेश्वर बस्दै आएका ३३ वर्षीय विराज खड्का रहेको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिए ।

ट्याटु खोप्ने पालो पर्खिरहेका बेला उनी एक्कासी लडेर अचेत भएका थिए । त्यसपछि उनलाई उपचारका लागि केएमसी अस्पताल सिनामंगल लगिएको थियो । उनको उपचारको क्रममा सोही अस्पतालमा मृत्यु भएको प्रहरीले जनाएको छ ।

घटनाबारे विस्तृत अनुसन्धान गरिरहेको प्रहरी नायव उपरीक्षक पाण्डेले जानकारी दिए ।

यो पनि पढ्नुहोस  निर्वाचन परिणाम बुझाउनासाथ देउवाको स्वतः राजीनामा, बुधबारै राजीनामा दिने तयारी !
२९,पुष.२०७८,बिहीबार ०८:४० मा प्रकाशित

प्रतिक्रिया दिनुहोस्

%d bloggers like this: